小桃和桃弟的對話

big_law2003

Hello~~
又係我呀~~
大家好~~
啱啱睇左有關死亡筆記既笑話
令我諗返起
我都有一個笑話係關於死亡筆記既~

話說唔知幾多個月之前
當時我啱啱睇完死亡筆記2
(謎之聲：即係好耐之前架啦wo~)(小桃：係呀~得唔得呀~!)
之後就同左男朋友去行街
行到一個新開既商場
我地就入去睇下啦
就見到一個Q版既流克公仔~
我好鐘意wo
但係又覺得買左冇用
於是，我就打比細佬啦•••
小桃：「細佬，你家姐我呀！」
桃弟：「乜事呀？」(好明顯係打緊機，唔想理我。)
小桃：「係咁既，我見到流克公仔呀！」
桃弟：「so？」(勁冷淡...)
小桃：「想問下你買唔買好姐...」
桃弟：「流克響我隔離啦wo，仲使咩要公仔呀？」(勁認真既聲音)
小桃：「冇，我見雷姆跟左我咁耐，想買D野比佢玩之嘛！」
桃弟：「哦！咁順便買多個雷姆比流克呀，佢話成日一個人都好悶。」
小桃：「ok！幫我同流克講，我一陣會買蘋果返黎。」
當時我男朋友個樣，sales姐姐個樣
桃弟：「哦！家姐話一陣買蘋果返黎wo！」(大叫)
桃媽：「做咩冇啦啦買蘋果呀？」
桃弟：「流克問你做咩買蘋果wo！」
小桃：「果...果個係媽咪黎架wo•••」
桃弟：「佢同流克個樣冇分別架wo！」
小桃：「你小心比佢聽到呀！」
桃媽：「做咩話我似流克！」
小桃：「你死梗啦。」
桃弟：「流克變左超級撤亞媽呀！係咁先，唔講住！」
小桃：「希望你冇事啦•••」
我地就收左線啦。
男朋友：「咁即係買唔買呀？」
小桃：「唔知呀！ 」
結果，我都係抵受唔到可愛流克，買左。

〥羽〥